ఆంధ్రప్రదేశ్‌లో స్థానిక సంస్థల ఎన్నికల సందడి మొదలైంది. రాష్ట్ర ఎన్నికల సంఘం ప్రకటించిన షెడ్యూల్ ప్రకారం, అక్టోబర్ 28, 2026న రాష్ట్రంలోని 100 పట్టణ స్థానిక సంస్థలకు ఎన్నికలు జరగనున్నాయి. వీటిలో 13 మున్సిపల్ కార్పొరేషన్లు, 77 మున్సిపాలిటీలు, 10 నగర పంచాయతీలు ఉన్నాయి. ఎన్నికల షెడ్యూల్ ప్రకటనతోనే రాష్ట్రంలో ఎన్నికల ప్రవర్తనా నియమావళి (Model Code of Conduct) తక్షణమే అమల్లోకి వచ్చింది

ఎన్నికల సంఘం ప్రకటించిన వివరాల ప్రకారం, అక్టోబర్ 18 నామినేషన్ల దాఖలుకు చివరి తేదీ కాగా, అక్టోబర్ 21న నామినేషన్ల ఉపసంహరణ ప్రక్రియ ముగియనుంది. అక్టోబర్ 30న ఓట్ల లెక్కింపు చేపట్టి ఫలితాలను ప్రకటించనున్నారు. మరోవైపు, మండల పరిషత్ ప్రాదేశిక నియోజకవర్గాలు (MPTC), జిల్లా పరిషత్ ప్రాదేశిక నియోజకవర్గాల (ZPTC) ఎన్నికలు నవంబర్ 3న జరగనున్నాయి. గ్రామ పంచాయతీ ఎన్నికలను నవంబర్ 26, 29, డిసెంబర్ 2 తేదీల్లో మూడు విడతలుగా నిర్వహించనున్నారు.