తెలంగాణలో మద్యం ధరల పెంపుపై ప్రభుత్వం వెనక్కి తగ్గింది. పొరుగు రాష్ట్రాలైన ఆంధ్రప్రదేశ్ మరియు కర్ణాటకతో ధరల వ్యత్యాసం పెరిగితే, వినియోగదారులు ఆయా రాష్ట్రాలకు తరలివెళ్లే అవకాశం ఉందని, తద్వారా రాష్ట్ర ఆదాయానికి గండి పడుతుందని భావిస్తున్న ప్రభుత్వం, వార్షిక మద్యం ధరల సవరణ ప్రక్రియను ప్రస్తుతానికి వాయిదా వేసింది.అసలు కారణం ఇదే..ప్రభుత్వం మద్యం కొనుగోలు ధరలను సుమారు 15% వరకు పెంచాలని మందు తయారీ సంస్థలు కోరినప్పటికీ, ప్రభుత్వం మాత్రం ఆచితూచి అడుగులు వేస్తోంది. దీనికి ప్రధాన కారణం పొరుగు రాష్ట్రాల్లోని ధరల వ్యత్యాసం. కర్ణాటకలో ఇటీవల అమల్లోకి వచ్చిన కొత్త ఎక్సైజ్ పాలసీ వల్ల అక్కడ ప్రీమియం మద్యం ధరలు తగ్గాయి. మరోవైపు, ఆంధ్రప్రదేశ్‌లో కూడా ధరల్లో పెద్దగా మార్పులు లేకపోవడంతో, తెలంగాణలో ధరలను పెంచితే సరిహద్దు జిల్లాల నుంచి మద్యం అక్రమ రవాణా పెరిగే అవకాశం ఉందని అధికారులు ఆందోళన చెందుతున్నారు. ఆదాయంపై ప్రభావం..రాష్ట్ర ఎక్సైజ్ శాఖ ఇప్పటికే దేశంలోనే అత్యధిక ఎక్సైజ్ డ్యూటీలను వసూలు చేస్తోంది. ఇప్పుడు ధరలను పెంచడం వల్ల వినియోగదారులు పొరుగు రాష్ట్రాల వైపు మొగ్గుచూపితే, అది పరోక్షంగా రాష్ట్ర ప్రభుత్వానికి భారీ ఆదాయ నష్టాన్ని మిగిల్చే ప్రమాదం ఉంది. అందుకే, ధరల సవరణపై ప్రభుత్వం ఎలాంటి తొందరపాటు నిర్ణయం తీసుకోకుండా, పరిస్థితిని పూర్తిగా సమీక్షిస్తోంది. గత నెలలో ధరల సవరణ కోసం వేసిన కమిటీ చర్చలు పూర్తి చేసినా, తుది నిర్ణయం కోసం ప్రభుత్వం ఇంకా వేచి చూస్తోంది.ఈ విషయంలో ప్రభుత్వం తీసుకునే తుది నిర్ణయం కోసం మద్యం తయారీ సంస్థలు మరియు వినియోగదారులు ఆసక్తిగా ఎదురుచూస్తున్నారు.#Telangana #LiquorPrices #TelanganaGovt #ExciseDepartment #RevanthReddy #TeluguNews #StateRevenue #HyderabadNews