మాతా-శిశు ఆరోగ్య సంరక్షణ సేవల్లో తెలంగాణ రాష్ట్రం మరో ఘనత సాధించింది. దేశంలోనే అత్యుత్తమ పనితీరు కనబరిచిన రాష్ట్రాల్లో ఒకటిగా నిలిచి జాతీయ స్థాయిలో మరోసారి ప్రశంసలు అందుకుంది. గర్భిణులు, బాలింతలు, నవజాత శిశువులకు అందుతున్న నాణ్యమైన వైద్య సేవలు, రాష్ట్ర వైద్య ఆరోగ్య శాఖ సాధించిన ప్రగతిని గుర్తించిన కేంద్ర ప్రభుత్వం.. నేషనల్ హెల్త్ మిషన్ (NHM) కింద రూ. 200 కోట్ల అదనపు ప్రోత్సాహక నిధులను మంజూరు చేసింది. ఈ మేరకు ఆరోగ్య మరియు కుటుంబ సంక్షేమ శాఖ కమిషనర్ డాక్టర్ సంగీత సత్యనారాయణ సోమవారం వివరాలను వెల్లడించారు. కేంద్రం నుంచి అందిన ఈ నిధులతో రాష్ట్రంలోని ప్రభుత్వ ఆసుపత్రులలో మాతా-శిశు సంరక్షణ మౌలిక వసతులను మరింత పటిష్టం చేయనున్నట్లు తెలిపారు. నిధులతో చేపట్టనున్న ముఖ్యమైన అభివృద్ధి పనులు:నవజాత శిశు సంరక్షణ (SNCU) విభాగాలు: ఎంపిక చేసిన ఆసుపత్రులలో నవజాత శిశువుల వైద్య సేవల విభాగాలను విస్తరించడం.ఆధునిక వసతులు: లేబర్ రూమ్‌లు (ప్రసవ గదులు), ఆపరేషన్ థియేటర్లను జాతీయ నాణ్యతా ప్రమాణాల (National Quality Standards) మేరకు ఆధునికీకరించడం. ప్రత్యేక యూనిట్ల ఏర్పాటు: మిడ్‌వైఫరీ-లెడ్ కేర్ యూనిట్లు, కంగారూ మదర్ కేర్ (KMC) వార్డులు మరియు లాక్టేషన్ మేనేజ్‌మెంట్ యూనిట్ల ఏర్పాటు.అత్యాధునిక పర్యవేక్షణ వ్యవస్థలు: అధిక ప్రసవాలు జరిగే ప్రభుత్వ ఆసుపత్రుల్లో తల్లి, గర్భస్థ శిశువు ఆరోగ్య పరిస్థితిని నిరంతరం పర్యవేక్షించేందుకు ప్రత్యేక పరికరాలను సమకూర్చడం.నాణ్యతా ప్రమాణాలు: ప్రభుత్వ ఆరోగ్య కేంద్రాలను ఇండియన్ పబ్లిక్ హెల్త్ స్టాండర్డ్స్‌కు అనుగుణంగా తీర్చిదిద్ది, నేషనల్ క్వాలిటీ అష్యూరన్స్ సర్టిఫికేషన్ (NQAS) సాధించేలా చర్యలు తీసుకోవడం.గ్రామీణ స్థాయిలో గర్భిణులకు అందుతున్న ముందస్తు పరీక్షలు, పౌష్టికాహార కార్యక్రమాలు మరియు ప్రభుత్వ ఆసుపత్రుల్లో ప్రసవాల సంఖ్య గణనీయంగా పెరగడం ఈ జాతీయ గుర్తింపునకు ప్రధాన కారణమని అధికారులు తెలిపారు. ఈ నిధులొకరితో తల్లీబిడ్డల మరణాలను మరింత తగ్గించి, పేద కుటుంబాలకు కార్పొరేట్ స్థాయి వైద్య సేవలను మరింత చేరువ చేయడమే లక్ష్యంగా పెట్టుకున్నట్లు ప్రభుత్వం స్పష్టం చేసింది. #TelanganaHealth #MaternalHealthcare #ChildHealth #TelanganaNews #CentralFunds #NHM #GovernmentHospitals #TeluguNews